Казкі ўзніклі ў глыбокай старажытнасці, у іх увасоблены народная мудрасць, глыбокі роздум чалавека над жыццём, вопыт і назіранні многіх пакаленняў за з’явамі прыроды і законамі грамадства, веданне людскіх характараў. Мара нашых далёкіх продкаў аб лепшай долі і шчасці, іх імкненне ператварыць гэту мару ў жыццё спрыяла стварэнню цудоўных казак. У казказ змешчаны народны вопыт, назіранні, думкі, парады, жыццёвыя ўрокі, якія могуць прымусціць задумацца над уласнымі ўчынкамі і паводзінамі.
