имилька

27.07.2021 09:51 •  Қазақ тiлi

1-тапсырма. 2минут

1.Мәтін не туралы? Қысқаша өз сөзіңізбен түсіндіріңіз.

2.Мәтіннің негізгі ойын ашып тұрған ақпараттарды түсіріңіз.

3.Негізгі ойды аша түсуге көмектесетін қосымша ақпараттарды түсіріңіз.

9 мамыр – Ұлы Жеңіс күні. 71 жыл бұрын адамзат тарихындағы ең сұрапыл, жойқын Ұлы Отан соғысы аяқталды. Екінші дүниежүзілік соғыс, біз үшін Ұлы Отан соғысына 6 материктің сол кездегі әлемнің дербес 60-тан астам елі қатысқан болатын. Айбынды білек, жеңістеріне сенімді ыстық жүректері мен қайрат күштерімен кешегі жігіттер, бүгінгі өнегелі аталарымыздың арқасында 1945 жылдың 9 мамыр күні Ұлы мейрам – жаудың жеңіп, соғысты жеңіспен аяқтадық!

Қазақ топырағынан Ұлы Отан соғысына бір миллионан астам ержүрек жауынгерлер аттанған. Олардың көпшілігіне Вермахттың сақадай сай әскери күштеріне қарсы тұруға тура келді. Ауылдан келген жас жігіттер кешегі қырмандағы жұмыстан бірден майданның алдыңғы шебіне түссе де, қазақ баласына сай ерліктерімен көзге түсті. Сондай батырдың бірі - Давлетов Асылбек Жазизұлы. Асылбек Жазизұлы 1925 жылы 10 қарашада бұрынғы Көкшетау облысы Көкшетау ауданы Сталин атындағы колхозда шаруалар отбасында дүниеге келген. Сол ауылдың 8 сыныптық мектебін бітіріп, 18 жасында 1943 жылдың 10 қаңтарында соғысқа аттанады. Жасына қарамастан Асылбек ата Карелия, III Украина майдандары құрамында жауға қарсы тұрды. Қалың орман арасында бекінген герман және фин қарулы күштерінен Карелияны босатуға Асылбек Жазизұлы Карелия майданының 13- әуе десанттық бригадасының 99-әуе десанттық дивизия құрамында қатысты.

Ал 1945 жылдың қаңтарынан бастап Асылбек ата ІІІ Украина майданындағы 300- гвардиялық атқыштар полк құрамында Венгрия мен Австрия мемлекеттерін азат етті. Соғыстың бел ортасында жүрген бүгінгі ақсақал Асылбек Жазизұлы 1945 жылдың көктемінде жарақаттанып, бір жарым ай Будафок госпиталінде емделуіне тура келеді. Госпитальдан шыға салысымен Асылбек Давлетов әскер құрамына қайта барар жолда Австрия мен Венгрия мемлекеттері арасындағы Шапрон станциясында Ұлы Жеңіс күнін қарсы алды. Асылбек ата Еуропада 1950 жылдың мамырына әскери борышын өтеп, елге оралды.

Батыр ата бүгінде екі мәрте «Ерлігі үшін» медалімен, І дәрежелі «Отан соғысы» орденімен, «Будапештті алған үшін», «Венаны алған үшін», «Германияны жеңген үшін» медальдарымен марапатталған.