1-тапсырма. Саша досына хат жазды. Сашаның хатын оқы. Грамматикалық кестені пайдаланып, Сашаға хатты дұрыс жазуға көмектес.
Сәлем хат
​Сәлем, досым Ян! Қалың қалай? Степан атайдың денсаулығы жақсы ма? Қандай жаңалықтар бар?
​Менде бәрі жақсы. Мен саған 1 ай бұрын да хат жаз . Мен ол хатта Бурабай көлін суретте . Мен отбасыммен жыл сайын Бурабайда демал . Әкем екеуміз суға шомыл . Ал Юля мен анам күнге қыздырын . Біз осы жазда да Бурабайға бар . Биыл жазда Көкшетауда, Оқжетпесте бол . Анам мен Юля 5 күн демал . Ал мен әкеммен суда жүзуден жарыс . х, Ян, сен де бізбен саяхатқа барсаң ғой! Керемет тамаша болар еді. Мүмкін, Степа атайға айтып көр , а? Мүмкін степа атаймен менің әкем сөйлес ? Қалай ойлайсың? Менің саяхатқа сенімен бар келеді.
​Тезірек демалысқа шық келеді. Сені көр келеді. Хатты алған соң жауап жаз. Сау бол!
Сәлеммен, досың Саша
28.03.2019 жыл

Жыл мезгілдері туралы мақал - мәтелдер:

Жазғытұрымғы жел жардай атанды жығар.

Жаздың бір күні, қыстың мың күні.

Нөсер алдында найзағай ойнайды.

Жаңбыр бір жауса,

Терек екі жуады.

Күркіреген бұлттың жаңбыры аз.

Таулы жер бұлақсыз болмас,

Сулы жер құрақсыз болмас.

Туған ай, тураған етпен тең.

Қаз келсе, жаз келер,

Қарға келсе, қатқақ келер.

Су аққан жерінен айнымас.

Сәуір болмай, тәуір болмас.

Үркерлі айдың бәрі қыс.

Қыстың көзі қырау.

Шағала келмей жаз болмас.

Шаңқан келмей, боз болмас.

Жел түбі азық, жекен түбі қазық.

Сәуір болса, күн күркірер,

Күн күркіресе, көп дүркірер.

Жаз сайға қонба,

Қыс қырға қонба.

Қараша қауыс, кәрі-құртанды тауыс.

«Отаным» деген жас жүрегімнен шыққан асыл сөзді мақтанышпен, асқақтықпен айта аламын. Ата-бабамыздың азаттық жолындағы ерен ерлігінің арқасында осынау арман еткен заманға тер төге, көп күш жұмсай жеткен елімді мақтаныш етемін. Талай жылғы ұлы дүбір, дүрбелеңнен кейін жарқын болашақтың таңы атып, еркіндік пен теңдік есігін айқара ашты. Еліміздің күні оңынан туып, жарық жұлдыздар шоғыры ұлттық намыс пен арымызды тудай желбіретті. Әрине, бұл күн оңайлықпен келмегені белгілі. Еліміздің арыстары талай жылдар басын тау мен тасқа ұрып, тар жол тайғақ кеше жүріп, еліміздің болашағы, келер ұрпақтың бақытты ғұмыры үшін аянбай күресіп табандылық пен асқан қайсарлық, шыдамдылық пен беріктік танытты. Барлық саналы ғұмырын ұлт мүддесіне арнаған бес арыс, ұлы Отан соғысында елім деп жанын пида еткен қайтпас қыран алаш азаматтары, жүректері оттай жалындаған желтоқсан қаһармандары... Айта берсе жалғаса берер елінің асыл ұландары, асқақ рухты азаматтарының ерен ерлігінің арқасы деп білемін.