1-жаттығу. Мәтінді оқып, сұрақтарға жауап бер Біз сыныппен мәдени саяхатқа шығамыз. Демалыста
мұражайға, театрға, саябақтарға барамыз. Біздің сынып
көңілді. Мұғалім бізге «Мұражайда, театрда қатты
сөйлемеңдер! Қатты күлмеңдер! Сыпайы болыңдар!» - дейді.
Біз тазалық сақтаймыз. Қоқыс тастамаймыз. Мұғалім бізге
«Жарайсыңдар!» – дейді.
Сұрақтар:
1. Біз сыныппен демалыста қайда
барамыз?
2. Біздің сынып қандай?
3. Мұғалім бізге не деп ескертеді?
4. Біз не істейміз?
Ғаламтор туралы диалог құрастыру.
Ағасы: Бауырым, осы соңғы кездері ғаламторға тәуелділік қоғамдағы ең үлкен мәселеге айналып отыр. Осы жайлы не ойлайсыз?
Інісі: Ия, дұрыс айтасың. Ғаламтор пайда болғаннан бері адамдардың өмірін жеңілдетіп, барша сұрақтарға жауап табуға мүмкіндік пайда болды. Ғылым мен техниканың дамыған заманында өз өмірімізді компьютерсіз елестету қиын.
Ағасы: Дегенмен, бұл құрылғының пайдасымен қатар зияны де аз емес. Ең басты зияны - ол денсаулыққа тигізетін зияны. Компьютер алдында ұзақ отыру көз бен омыртқаға аса үлкен зақым келтіреді. Сондықтан да компьютерда көп жұмыс жасайтын адамдарға арнайы көзілдірік киіп, отырған кезде де арқаны тік ұстауға тырысу керек. Сонымен қатар уақтылы үзіліс жасау керек.
Інісі: Осындай келеңсіздіктер орын алмауы үшін, компьютерді тек керек кезінде немесе күніне 1 - 1,5 сағаттан аспайтын уақыт қолдану керек деп ойлаймын. Мен өзім осы ережені сақтап, қалған бос уақытымда анама көмектесемін.
Ағасы: Сондықтан ғаламторды тек қажет уақытында пайдалану керек деп деп ойлаймын. Ал басқа бос уақытыңды пайдалы іске арнап, ата – анаңа, бауырларыңа көмектесіп немесе спортпен айналыссаң болады. Кітап оқысаң, тіпті жақсы, нұр үстіне нұр болар еді.