3. Төмендегі құрмалас сөйлемдерді белгілеріне қарап анықта. Қазақстан Азия және Еуропа құрлығының нағыз бел ортасында орналасқан және табиғи ресурстары мен экономикалық қуаты басым еуразиялық мемлекет. Қазақ станның оңтүстік-батыс және оңтүстік аудандары кең-байтақ Тұран жазығымен шектесіп, солтүстік-шығысын үлкен Алтай таулар жүйесі алып жатыр. Екінші дүниежүзілік соғыс кезінде және де тың игеру жылдары Қазақстанға көптеген ұлт өкілдері қоныс аударылды, сөйтіп Қазақстан көпэтносты мемлекетке айналды.
«Бақшада» шағын әңгіме.
Осы демалыста Алмагүл, Еркебұлан және Мейрамбек атасы мен әжесіне бақшада жұмыс жасап, піскен жеміс – жидектерді теруге көмектесті. Таңертең ерте тұрып, әжесінің ыстық бауырсақтарымен шай ішіп алып, балалар жұмысқа кірісіп кетті. Еркебұлан мен Мейрамбек баспалдаққа мініп, ағаштардың басындағы піскен алмаларды терсе, ал Алмагүл болса, оларды реттеп, әжесіне апаруда. Әжесі екеуі оларды тосап немесе сусын жасау үшін бөліп жатыр. Балалардың қасында кішкене Ақтөс те ойнап жүр. Осылайша балалардың демалысы қызықты, әрі пайдалы өтуде.
Жануарлар дүниесі де биосфераның құрамдас бір бөлігі. Жануарлардың табиғатта және адам өмірінде маңызы зор. Олар табиғаттағы заттар мен энергия айналымында негізгі рөл аткарады. Қазіргі кезде жер бетінде жануарлардың 2 млн-нан астам түрі белгілі, олардың ішінде тек жәндіктердің ғана 1 млн-ға жуық түрі бар.
Жануарларды зиянды және пайдалы деп тек салыстырмалы түрде ғана жеке топтарға бөледі. Бұл ғылыми тұрғыдан алғанда дұрыс емес. Өйткені табиғатта мүлде зиянды немесе мүлде пайдалы жануар жоқ. Табиғаттағы тіршілік тізбегінде олардың әркайсысының өз орны бар.
Қазіргі кезде жануарлар түрлерінің азаюына, негізінен, антропогендік факторлар әсер етеді. Ондай факторларға шектен тыс аулау, тіршілік ететін орта жағдайларының өзгеруі, ретсіз жерсіндіру, судың, топырақтың ластануы және т.б. жатады.