Мен болашақта кім болам дегенде бірден мамандықты ойлайсың. Бірақ, бүгін мен мамандық туралы емес, басқа туралы айтқым келеді. Маған анам әрдайым "қызға қырық үйден тыю" - деген мақалды жиі айтады. Жалпы баланы жастан тәртіпке бағынуды үйрету қажет, ал қазіргі заманда тәртіпке баулитын отбасы азайып барады. Ал, қыз баланың тәрбиесі ерекше болуы керектігін айтады. Өзіне анасы қатал болыпты. Анам өзіне бұндай тәрбиенің тек жақсылық сыйлағанын айтады. Мен болашақта көркем сөйлейтін, сүйікті ата-анамның борышын ақтайтын, сегіз қырлы, бір сырлы, қазақтың қыздары, міне осындай,- дейтіндей дәрежеде боламын.
О, ғаламдағы ақыл иелері, мен бүгін сендерге өзім туралы айтқым келеді. Мен де сендер сияқты тіршілік иесімін. Мен адаммын, яғни Жаратушымыздың өзге тіршілік иелерінен артық жаратқан бір туындысымын. Мен адам болғаным үшін де, Өзіңе қарыздармын,- деймін мен Жаратушымызға. Біз өзіміз өмір сүріп отырған ортаны, яғни жерімізді, суымызды, ауамызды, жалпы барлық қоршаған ортамызды аялайық, қиянат жасамайық дегім келеді. Мен осы дүниенің кішкене бір бөлшегімін. Қаншама кішкене болсам да үлкен істер атқарғым келеді, адамзаттың жарқын болашағы үшін, өзімнен кейінгі ұрпақ үшін.
