8-Тапсырма. .«ПОПС» формуласын қолданып, мәтіндегі ақпараттар бойынша өз пікірлеріңді білдіріңдер. Бірінші сөйлем: Менің ойымша .
Екінші сөйлем: Себебі мен ... оны деп түсінемін.
Үшінші сөйлем: Оны мен ... деген фактілермен, мысалдармен дәлелдей аламын.
Соңғы сөйлем: Осыған байланысты мен ... деген түйін жасадым.
Шығыс Қазақстан жеріндегі Қозы Көрпеш-Баян сұлу кесенесі – бізге жеткен мәдени мұралардың бірі. Бұл кесенеде ауыз әдебиеті бойынша, бір-бірін шын сүйген екі жас – Қозы мен Баян жерленген. Кесененің қабырғасы тас тақталар мен сабан аралас балшықтан қаланған. Табаны төртбұрышты таған түрінде, жоғары қарай сүйірленіп, күмбезделе өрілген. Жалпы биіктігі он екі метрге жетеді. Ғимарат қабырғасында бет пішіндері граниттен жасалған азиялық кейіптегі жансыз мүсіндер сүйеулі тұр. Олардың омырауында алқасы бар және әлдене бір кесек ұстаған қос қолдарын кеудеден төмен ұстап тұр. Күмбездің іші бейне бір қашалған тастан салынғандай жақсы жиналған. Күмбезге кіретін бір есік, екі қабырғасында бір-бірден терезе бар. Құрылысы ежелгі азиялық әдіспен салынған.
Халқымыздың мұрасы, шынайы достық пен махаббаттың символы болған Қозы Көрпеш-Баян сұлу мазары – біздің мақтанышымыз. Аягөз қаласының мәдениет үйі осы ғашықтардың атымен аталады.
іне, Ұлы Отан соғысының жеңіспен аяқталғанына да 60 жыл өтті. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлайды. Бұл мейрамды өздерінің тылдағы қажырлы еңбегімен жеңісті шыңдаған, станоктың қасынан, егін даласында, күні-түні мал бағып, тынымсыз жұмыс істеген жұмысшылар, ауыл адамдары тойлайды. Бұл мейрамды біздің аяулы да даңқты әйелдеріміз - өздерінің әкелерін, ерлерін, ұлдарын және сүйіктілерін көзінен жасы сорғалай жүріп төзімділікпен күткен, олардың орнын жоқтатпаған аналар мен жұбайлар, қалыңдықтар мен қыздар тойлайды. Бұл мейрамды өздерінің әкелері мен ағалары қанын төгіп, жанын қиып бақытты өмірін қамтамасыз еткен Ұлы жеңістің құрдастары тойлайды. Ұлы Жеңіс күні елі мен жері үшін жанын пида еткен, туған-туысқандарына, жақын-жарандарына, туған жеріне, ауылына оралмай қалған қаһарман ерлерді бүкіл елі болып еске түсіреді.
Бұл мейрамды бұрынғы кеңес одағына кірген 15 одақтас республика халқымен бірге, кеңес халқы неміс басқыншыларынан азат еткен Еуропа елдерінің Варшава мен Прага, Будапешт пен Бухарестің, София мен Белградтың, Париж бен Венаның, жер шарының басқа да көптеген қалаларының тұрғындары тойлайды.
Ұлы Отан соғысы халқымызға төнген ең ауыр күндер болды. Төрт жыл, 1418 күн мен түн бойы өз жері мен отаны үшін, келешек ұрпақ үшін жан қилы соғыс жүріп жатты.
Бір күшке жиналған орыс пен тәжік, грузин мен белорус, қазақ пен украин қарсы алдындағы жауға алмас қамал болып жұмылды...