«Адамның денсаулығы – қоғам байлығы» тақырыбында кеңес бере отырып, шағын мақала жазыңыз. Жалғаулар мен шылауларды үндестік заңына, орфографиялық нормаға сай жазыңыз

Бүгінгі таңда жасыратыны жоқ, жаман әдеттер көбейіп келуде. Оларға шылым шегу, ішімдік қолдану және нашақорлықты жатқызамыз. Оның адам өміріне тигізер пайдасы да жоқ. ашындыратыны – еркегі де, әйелі де, кәрісі де, жасы да осы жаман әдеттерге үйір болған.

Адамдар шылымның өзін жұмыс үстінде, үзіліс кезінде, далада, зеріккенде, қарны ашқан кезде немесе тоқ кезінде де шегуден бастайды. Ересектерге еріп жастар да темекіге әуестене бастауда. Үлкені де, кіші де бірдей әуестенетін осы темекіде не бар? Онда қызықтырарлық ештеңе де жоқ. Керісінше, нерв жүйесін, асқорыту жолдарын, жүрек-қан тамырларын бұзатын «никотин» деген у бар. Шылымның түтіні автомобильдің шығаратын түтінінен 4 есе зиянды. Бір түтіннің өзі осындай зардап әкелетін болса, ол ішкі ағзаға барғанда бүкіл жүйені қалай бұзатынын елестетудің өзі қорқынышты. Айтып кететін болсақ, никотин: жүрек бұлшықетінің инфарктісіне, инсульт, мидың қан тамырлар аурулары және өкпе, ауыз қуысы арқылы қанның құрамына кіретін болғандықтан, өкпенің тыныс алуына кедергі болатын ауруға шалдықтырады.