ksenia376

18.03.2020 09:49 •  Қазақ тiлi

«Қазақ тілі мен әдебиеті» пәнінен 4-тоқсан бойынша жиынтық бағалау тапсырмалары

Жастықтың оты қайдасың?
«Менің туған өлкем» электрондық энциклопедиясы
Ғылым мен техниканың соңғы жаңалықтары
Батыр туса – ел ырысы

Оқылым
1.Мәтінді мұқият оқып, төмендегі тапсырмаларды орындаңыз.

ХХІ ғасыр және бүгінгі ұрпақ
ХХІ ғасыр бүгінгі ұрпаққа бақыт сыйлаған кезең деп санаймыз. Ата-бабаларымыз болашақ ұрпақ үшін күресіп, бізге егемендік алып берді. Қазақ даласы ата-бабаларымыз ғасырлар бойы арман еткен және сол жолда зор құрбандықтарға душар болып, өз тәуелсіздігін жеңіп алды. Білімді, сауатты азаматтар – бұл ХХІ ғасырда адамзат дамуының негізгі қозғаушы күші. Шын мәніндегі бақытты кезеңде өмір сүріп жатқан жастарға өзін таныту үшін мүмкіндіктер өте көп, бұл туралы аға ұрпақ жастық жылдарда армандай алмайтын. Бүгінгі күн – талантты, жігерлі, өзіне сенетін, арманға бай және оларды жүзеге асыруға ерік-жігері бар жастардың уақыты. Бүгінгі таңда мемлекет жастар үшін барлық жағдайды жасап отыр. «Жастық шақ — бұл тамаша нәрсе; оны рәсуа ету қылмыс…», - деген екен Бернард Шоу. Тек оқу, күш-қуатыңды аямастан еңбек ету керек, сонда ғана ойлаған арманға жетуге болады.
​Кез келген азаматтың өмірге қойған айқын мақсаты мен арманы болады. Себебі арман мен мақсат болашаққа жетелейді. Ата-бабаларымыздың аңсап, тәуелсіздік жолында күрескен арманы орындалды-ау.
​Қазақстан үшін, қазақ халқы үшін тәуелсіздік аспаннан түскен сый емес еді. Халқымыз бостандықты аңсап, Тәуелсіздікке зарығып жетті. Тәуелсіздік жолында еліміз аз қиыншылық көрген жоқ. Халқымыздың өшпес қайсар рухының арқасында тәуелсіздікке қол жеткіздік. Бұл күнге дейін жеткен ұмытылмас оқиғалар – ел бостандығын қорғау соғыстары мен ұлт-азаттық көтерілістердің тарихымызда өшпес өнеге, өлмес мұра ретінде сақталатыны рас. Елдің біртұтастығы мен тыныштығын сақтауға хан-сұлтандар, батырлар, қарапайым халықтың өзі де өміріні қиған. Тәуелсіздік деген ұлы жеңіске қол жеткізуде әлі де жаңғырып тұрған кешегі Желтоқсанның да септігі аз болған жоқ – студент жастардың көшеге шығып үндеуі және егемендік үшін зардап шегуге дайын екендігін көрсете білуі барша халыққа сенім мен жігер берген болатын.

1.Берілген сөздер мен сөз тіркестерін қатыстырып 3 сөйлем құрап жазыңдар.
Болашақ ұрпақ, қазақ халқы, қайсар рух.
[1]
2. Мәтінді оқып, берілген сөзді өз сөзіңмен жаз
«Жастық шақ — бұл тамаша нәрсе; оны рәсуа ету қылмыс…», - деген екен Бернард Шоу.
[1]
3. Сұрақтарға жауап беріңдер
1.Мәтін не туралы?
2.Мәтіннің идеясы қандай?
[2]
4.Мәтін бойынша кластер құрастыр.

Жазылым
«Болашақта роботтар адам орнын алмастырады» деген пікірді естіп жатырмыз. Қаншалықты келісесіз? Эссе құрылымы мен дамуын сақтап, көтерілген мәселе бойынша келісу-келіспеу себептерін айқын көрсетіп жазыңыз