Диалогті оқып, қолдау көрсету мағынасында айтылған сөйлеу этикеті формасын анықта. Дарина: Сәлеметсіз бе, Раиса Рустамовна! Мен сізге Ресейден кәдесый алып келдім.
Раиса Рустамовна: Амансың ба, Дарина! Қандай әдемі, рақмет, айналайын! Тағы қандай сыйлықтар алдың?
Дарина: Анама маржаннан жасалған алқа, сіңліме күміс сырға алдым. Бәрін бір жерден сатып алған соң, жақсы жеңілдік жасады.
Раиса Рустамовна: Бәрекелді! Саудаң да табысты болыпты. Кел, төрлет, екеуіміз отырып, шай ішейік.
Дарина: Рахмет, апайым, сіздің шайыңызды қуана-қуана ішемін.
Раиса Рустамовна: Қызым, жолға қолма-қол ақшаны көп алдың ба?
Дарина: Жоқ, ақшамның көбісін картада сақтап жүрдім. Қолма-қол ақшамды ұрлатып аламын деп қорықтым.
Раиса Рустамовна: Әрине, қарағым, сақтық шараларын үнемі назарда ұстау керек.
Бәрекелді
Қолма-қол
Сыйлықтар
Сәлеметсіз бе
Дәйек сөз, цитата (лат. cіto– келтіремін, шақырамын) – түпнұсқадан сөзбе-сөз алынған үзінді. Автордың ойын беделді пікірлермен тиянақтау үшін, біреудің пікіріне сын айту үшін, құнды дерек ретінде пайдалану үшін қолданылады.[1]
Дәйек сөз, негізінен, ба з материалдарында, ғылым еңбектерде, кітаптар мен әр түрлі қолжазбаларда, баяндамалар мен сөйлеген сөздерде келтіріледі. Дәйек сөздер ғылым еңбектерде пайдаланғанда, сол еңбекте айтылатын оймен логикалық тұрғыдан қабысып, жарасым табуы тиіс. Айтылмақ ойды одан әрі дамытып, жаңа деректермен толықтырып тұру керек. Сонда ғана ол өз міндетін атқарады. Әдетте, зерттеу еңбектерінде, көбінесе әдебиет, мәдениет, өнер, ғылым қайраткерлері пікірлерінен дәйек сөздер алынып отырады. Мұның өзі үлкен талғаммен, орынды алынса, еңбектің сапасын арттыруға есебін тигізеді.
Дәйек сөз көбінесе ықшам түрде алынады. Сөйлем ұзақ болған жағдайда керекті жерін алып, қысқартылған сөздер орнына көп нүкте қою шарты бар. Дәйек сөз, әдетте, тырнақшаға алынып жазылады. Міндетті түрде дәйек сөз алынған еңбек, оның авторының аты-жөні сілтемелерде анық, нақтылы көрсетілуі тиіс. Эпиграф та дәйек сөздің бір түріне жатады
Қырғыз халқының мәңгілік мәдени ескерткіші, бүкіл тарихнама шежіресі, эпостық жүздеген дастандардың-поэзияның асыл маржанынан соғылған мұнарасы МАНАС ғасырлар бойы өзімен бірге ғажайып манасшылар әулетін, өзге де сирек жыраулар тобын, шеруін туғызып келеді. Манасшылар сонау көне ғасырлар бойына бір өздері бүкіл театр міндетін атқарған. Онда бір адам әрі баяндаушы, әрі шығарушы, әрі орындаушы, еркек-әйел рольдерін атқарушы, ойнаушы, қимыл-әрекет суретшісі, қомызшы, сазгер-бәрін кереметтей басын қосқан өлшеусіз талант иелері болған. Ең ғажабы- әлденеше айлар бойына айтылатын бұл ұзақ хикаяларды еш шатастырмай миында, зердесінде ұстау қасиеті.