Қазақ жан мен мал азығын қатар ойлаған халық. «Еңбек етсең емерсің» деп қара жерге астық егіп, қырға малын өргізіп, тіршілікпен құтайған жұртпыз. Бұл күнде жеке шаруа қожалығын ашқан жандардың Үкіметтен қолдау тауып, істерін дөңгелентіп жатқаны көңіл қуантады.
Ел дамуына өзіндік үлесін қосып әрі бастаған ісінен бақ тауып жүрген сондай азаматтардың бірі «Зарина» шаруа қожалығының басшысы Марат Чуженов. Аталған қожалық Кербұлақ ауданына қарасты Көксу ауылдық округі, Қосағаш пен Бірлік ауылдарында 1999 жылы жасақталған. Олардың негізгі бағыты егін және мал шаруашылығы. Бүгінгі күні бұл шаруашылықта қос ауылдан отыз адам жұмыспен қамтамасыз етіліп отыр. Тұрғындар бұл шаруа қожалығының ашылғанына дән риза.
Осылайша өз ахуалын көтеріп қана қоймай, ел экономикасының өрлеуіне де үлес қосады. Щаруа қожалығының егіс алқабындағы үш мың гектар жерге жаздық және күздік бидай, арпа мен к шөп егілген. Ал жайылым алқабы екі мың гектарды құрайды. Жалпы, шаруа қожалығына тиесілі бес мың гектар жер бар. Сондай-ақ, мал шаруашылығы бойынша да абыройлы еңбек етіп жатқандығын аңғардық. Бұл жайлы қожалық басшысы Марат Чуженов: – қазақ халқы қандай салада жүрмесін, нендей істің басында болмасын, малсыз бір дүниесі кем секілді болмай ма?! Сондықтан, мал қазақтың жаны деп бабаларымыз тегін айтпаған. Осы шаруашылықпен шұғылданып жүргенімізге он алты жылдан асып барады, – деп атакәсіпті жалғастырып жүргенін жеткізді. Осындай шаруашылықтың басшысы болса да қарапайымдылықтан айнымаған Марат Сағынтайұлының иелігіндегі қожалықта екі жүз бас ірі қара, сексенге жуық жылқысы бар. Шаруашылық қажетті техникалармен де толық қамтылған. Мұның өзі әл-ауқаты жақсы, өзіндік табысы мен ел үшін тигізер пайдасы мол шаруа қожалығы екенін аңғартады.
Қазақ жан мен мал азығын қатар ойлаған халық. «Еңбек етсең емерсің» деп қара жерге астық егіп, қырға малын өргізіп, тіршілікпен құтайған жұртпыз. Бұл күнде жеке шаруа қожалығын ашқан жандардың Үкіметтен қолдау тауып, істерін дөңгелентіп жатқаны көңіл қуантады.
Ел дамуына өзіндік үлесін қосып әрі бастаған ісінен бақ тауып жүрген сондай азаматтардың бірі «Зарина» шаруа қожалығының басшысы Марат Чуженов. Аталған қожалық Кербұлақ ауданына қарасты Көксу ауылдық округі, Қосағаш пен Бірлік ауылдарында 1999 жылы жасақталған. Олардың негізгі бағыты егін және мал шаруашылығы. Бүгінгі күні бұл шаруашылықта қос ауылдан отыз адам жұмыспен қамтамасыз етіліп отыр. Тұрғындар бұл шаруа қожалығының ашылғанына дән риза.
Осылайша өз ахуалын көтеріп қана қоймай, ел экономикасының өрлеуіне де үлес қосады. Щаруа қожалығының егіс алқабындағы үш мың гектар жерге жаздық және күздік бидай, арпа мен к шөп егілген. Ал жайылым алқабы екі мың гектарды құрайды. Жалпы, шаруа қожалығына тиесілі бес мың гектар жер бар. Сондай-ақ, мал шаруашылығы бойынша да абыройлы еңбек етіп жатқандығын аңғардық. Бұл жайлы қожалық басшысы Марат Чуженов: – қазақ халқы қандай салада жүрмесін, нендей істің басында болмасын, малсыз бір дүниесі кем секілді болмай ма?! Сондықтан, мал қазақтың жаны деп бабаларымыз тегін айтпаған. Осы шаруашылықпен шұғылданып жүргенімізге он алты жылдан асып барады, – деп атакәсіпті жалғастырып жүргенін жеткізді. Осындай шаруашылықтың басшысы болса да қарапайымдылықтан айнымаған Марат Сағынтайұлының иелігіндегі қожалықта екі жүз бас ірі қара, сексенге жуық жылқысы бар. Шаруашылық қажетті техникалармен де толық қамтылған. Мұның өзі әл-ауқаты жақсы, өзіндік табысы мен ел үшін тигізер пайдасы мол шаруа қожалығы екенін аңғартады.