Әке мен бала А) Одан біраз жер өткен соң,шие сатып отырғандардан ол үш тиынға біраз шие сатып алады.Сонымен,шиені орамалына түйіп,шетінен өзі бір-бірден алып жеп,баласына қарамай,ақырындап жүре берді.Біраз өткен соң,әкесінің қолынан бір шие жерге түсіп қалды.Артында келе жатқан бала да қызығып келе жатыр екен,жерге түскен шиені жалма-жан көтеріп алып,аузына салды.Біраз уақыттан соң бір шие,онан біраз уақыттан тағы бір шие, сонымен әр жерде бір әкесінің қолынан түскен шиені он шақты рет иіліп,жерден көтеріп жеді.
В) Ең сонында әкесі тоқтап тұрып айтады: - Көрдің бе, мана тағаны жамансынып жерден бір ғана иіліп көтеріліп алуға еріндің,енді сол тағаға алған шиенің жерге түскенің аламын деп бір еңкеюдің орнына он еңкейдің.Мұнан былай есінде болсын аз жұмысты қиынсынсаң – көп жұмысқа тап боласың,азға қанағат ете білмесен – көптен де құр боласың, - деді.
С) Бір а ертіп,егіннен жаяу келе жатса,жолда қалған аттың бір ескі тағасын көріп,баласына айтты: - Анау тағаны,балам,ала жүр, - деп.Бала әкесіне: - Сынып қалған ескі тағаны алып неғылайын, -деді. Әкесі үндемеді,тағаны өзі иіліп алды да,жүре береді.Қаланың шетінде темірші ұсталар бар екен, соған жеткен соң,әкесі соларға жақындап, манағы тағаны соларға үш тиынға сатты.
1. Прозалық шығарманың мағынасы бойынша композициялық құрылымын анықтаңыз:
А )Ортасы. 1 -
В) Соңы. 2 -
С) Басы. 3 -
( )
2. Шығармадағы басты кейіпкерді белгілеңіз.
( )
3. Басты кейіпкердің іс-әрекетіне баға беріңіз.
( )
4. Басты кейіпкердің әкесі баласын неге баулиды?
( )
5. Басты кейіпкердің әкесіне баға беріңіз.
( )
1) 1:баланың тағаны алмауы
2:әкесінің шие сатып алып, оны баласына бермеуі
3:әкесінің баласына айтқан ақылы.
2)баласы
3)ол жерле жатқан ескі тағаны алуға ерінді, оны пайдаға жарамайды деп ойлады. бірақ, жерге түскен шиені алуға ерінбей, бір рет емес, бірнеше рет жерге түскен шиені алып жеді.
4)әкесі баласына аз жұмысты қиынсынса көп жұмысқа тап болатынын, азға қанағат етпесе көптен құр қалатынын айтып түсіндірді.
5)әкесі баласына шиені бермеу арқылы үлгі көрсете отыра ақылын айтып, көп нәрсені түсіндірді. ол өте ақылдылықпен, сабырлылықпен әреекет етті