Мәтіндегі еліктеу сөздерді тауып, мағынасына қарай ажыратыңыз. Дұрыс жауаптар саны:2
Екі дос
Екі дос бір егістікте жұмыс істейтін. Бірі үйленген, бар. Екіншісі бойдақ.
Күн батқанға дейін жұмыс істеп, достар тапқан өнімді тепе-тең етіп екіге бөліп
алатын. Күннің бірінде бойдақ досы тамақ ішіп отырған жерінен кілт тоқтап,
ішінен: "Өнімді және шыққан пайданы тепе-тең бөлгеніміз дұрыс болмады," -
деп ойлайды, “Мен жалғыз тұрамын, сондықтан да айтарлықтай көп
қажеттілігім де жоқ". Осыдан кейін әр түн сайын үйінен шығып, бір қап өнімді
көтеріп, қорбаң-қорбаң етіп жасырын түрде досының үй алдындағы қорасына
апарып тұратын болады. Досы да ішінен: "Өнім мен пайданы бірдей бөлгеніміз
дұрыс емес, мен үйленгенмін, жұбайым мен балаларым бар – қартайғанымда
олар маған қарайтын болады. Досымның болса ешкімі жоқ, қартайған кезінде
оған қарайтын адам болмайды," - дейді. Осылайша бұл досы да түн жамылып
үйден шығып, досының қорасына бір қап өнім апаратын болады. Осыған
қарамастан екі қорадағы қаптар саны неліктен еш азаймағанын екі дос та
түсінбей жүреді. Бір түні жасырын түрде бір-бірінің қорасына қап тасып
жатқанда, тарс еткен дауысқа шошып, соғылысып қалады да, бір-біріне жалт
қарайды. Сонда ғана болған жағдайды түсінеді, қуаныштан қызараң-қызараң
етіп, қаптарды жерге қоя салып, достардың бір-біріне деген адал ниеті мен
достығы алдында көз жастарын тия алмады. Екеуі қуаныштан гу-гу әңгіме
айтып, үйлеріне қайтады.
