АЛМАТЫ. 25 қазан. ҚазАқпарат - Мағжан Жұмабаевтың өмірінің соңғы жылдары жарық көрген ең соңғы кітабы Алматыдағы «Экономика» ба жеке кітап болып басылып шықты. Қайнар университетінің ғылыми кеңесінің шешімімен баспаға ұсынылған «Сауатты бол» деп аталатын бұл кітаптың жауапты редакторы - филология ғылымдарының кандидаты, профессор Бақытжамал Қанарбаева. «Бұл оқулық ХХ ғасырдың басындағы сауат ашу мектептерінің қысқа курсына бағытталып дайындалған. Ол Мағжанның көзі тірісінде Мәскеуде үлкен таралыммен 4 рет басылып шыққан екен. Алайда кейін оның екеуі ғана табылды. Сондықтан зерттеушілер мен оқырманның түсінігіне ыңғайлау мақсатында Мәскеуде 1926 жылы төте жазумен және 1929 жылы латын әліпбиімен жарық көрген кітаптары біріктірілді», - дейді Б. Қанарбаева. Ғалымның айтуынша, Мағжанның «Сауатты бол» кітабы қазіргі таңда да өз маңызын жойған жоқ. Өйткені оның латын әліпбиін үйретудегі әдісі өте қызғылықты. Оның ерекшелігі - адам санасына ықпалдылығы. Онда бірінші - дыбыс, екінші әріпке мән берілген. Бұл да қазіргі тіл мамандарының назарын аударатын мәселе деп білген жөн. Сондай-ақ латын басылымындағы «Қарындас» деп аталатын өлеңі, бұған дейінгі өлеңдер жинағының ешбірінен кездеспеді. Сондықтан да оны ақынның жаңадан табылған өлеңдерінің қатарына қосқан жөн.
АЛМАТЫ. 25 қазан. ҚазАқпарат - Мағжан Жұмабаевтың өмірінің соңғы жылдары жарық көрген ең соңғы кітабы Алматыдағы «Экономика» ба жеке кітап болып басылып шықты. Қайнар университетінің ғылыми кеңесінің шешімімен баспаға ұсынылған «Сауатты бол» деп аталатын бұл кітаптың жауапты редакторы - филология ғылымдарының кандидаты, профессор Бақытжамал Қанарбаева. «Бұл оқулық ХХ ғасырдың басындағы сауат ашу мектептерінің қысқа курсына бағытталып дайындалған. Ол Мағжанның көзі тірісінде Мәскеуде үлкен таралыммен 4 рет басылып шыққан екен. Алайда кейін оның екеуі ғана табылды. Сондықтан зерттеушілер мен оқырманның түсінігіне ыңғайлау мақсатында Мәскеуде 1926 жылы төте жазумен және 1929 жылы латын әліпбиімен жарық көрген кітаптары біріктірілді», - дейді Б. Қанарбаева. Ғалымның айтуынша, Мағжанның «Сауатты бол» кітабы қазіргі таңда да өз маңызын жойған жоқ. Өйткені оның латын әліпбиін үйретудегі әдісі өте қызғылықты. Оның ерекшелігі - адам санасына ықпалдылығы. Онда бірінші - дыбыс, екінші әріпке мән берілген. Бұл да қазіргі тіл мамандарының назарын аударатын мәселе деп білген жөн. Сондай-ақ латын басылымындағы «Қарындас» деп аталатын өлеңі, бұған дейінгі өлеңдер жинағының ешбірінен кездеспеді. Сондықтан да оны ақынның жаңадан табылған өлеңдерінің қатарына қосқан жөн.