Менің сүйікті кейіпкерім – Күлше қыз. «Не үшін ұнайды» деп ойлайтын шығарсыздар? Күлше қыз - өте жас, еңбекқор, үлкенді сыйлайтын, тәрбиелі қыз. Өгей анасы мен оның екі қызынан теперіш көріп,өз үйінде өзі күң болған мейірімді де сұлу қыз. Ол өзінің ұстамдылығымен, ақыл-парасаттылығымен, еңбекқорлығымен, мейірімділігімен ұнамды. Қандай болмасын, өгей анасынан қанша зәбір көрсе де, өзіне тән ерекшелігімен, кең жүрегімен ақыл тауып, өмірден баз кешіп түңілмей, керісінше, үйдегі бар тірлікті өз мойнына алып, әкесіне тіреніш болады.Міне, үй шаруасындағы нағыз пысық қыз.Менің жасымдағы әрбір қыз бала оған ұқсағысы келеді. Мен қазір 6-сыныпта оқимын.Өзімді үлкенмін деп санаймын. Мен де Күлше қыз сияқты мейірімді, сұлу, ақылды қыз болғым келеді.Ол сияқты бақытты болғым келеді. Ең бастысы, Күлше қыз сияқты ақ, адал болмысты, еңбекқор болғым келеді. Менің сүйікті кейіпкерім маған тек жақсы жағынан үлгі болды.Ендеше ертегі - ата-бабадан мұра болып қалған құнды шығарма.Оның қай- қайсысын алсақ та тәрбиелік мәні көп. Ертегі кейіпкерлері менің айнымас достарым, таусылмас ақылшыларым болып қала бермек. Тапсырма 1. Мәтінді оқы 2. Сенің сүйікті ертегің қандай, сүйікті кейіпкерің кім? Сол туралы айт

Қазақстан қорықтары

Қазақ жерінде 10 қорық бар. Ең алғаш ашылғаны - Ақсу-Жабағылы қорығы (1926ж.). Барлық қорықтар: 1.Ақсу-Жабағылы - Оңтүстік Қазақстан облысында орналасқан. 2.Наурызым қорығы (1934ж.) Қостанай облысы. 3.Алматы қорығы (1964ж.) Алматы облысы. 4.Қорғалжын қорығы (1968ж.) Ақмола облысы. 5.Марқакөл қорығы (1976ж.) Шығыс Қазақстан облысы. 6.Үстірт қорығы (1984ж.) Маңғыстау облысы. 7.Батыс Алтай қорығы (1992ж.) Шығыс Қазақстан облысы. 8.Алакөл қорығы (1998ж.) Алматы облысы. 9.Барсакелмес қорығы (1939ж.) Қызылорда облысы. 10.Қаратау қорығы (2004ж.) . Қорықтарды құрудың мақсаты - әр түрлі географиялық зоналардың жекелеген учаскелерін табиғи күйінде сақтау, жануарлар мен өсімдіктердің сирек кездесетінін және құрып бара жатқан түрлерін қорғау.

Бұдан басқа, Қазақстанда табиғат ресурстарының бөліктерін шектеулі шаруашылыққа пайдалану қарастырылған режимдегі жалпы ауданы 4600 га 83 кіші қорықтар бар. Аң аулау орындары, геологиялық, ботаникалық, зоологиялық, көлді, батпақты, ландшафты кіші қорықтар да бар.

--Сен сабаққа уақытында келесің бе ?

--Мен сабаққа уақытында келемін.

--Қандай пән саған ұнайды ?

--Маған қазақ тілі пәні ұнайды.

--Неге ?

--Мен Қазақстанда тұрамын. Қазақ тілі біздің мемлекеттік тіліміз.

Сондықтан маған қазақ тілі пәні ұнайды.

--Сабақты түсінбесең не істейсің ?

--Сабақты түсінбесем мен мұғалімнен қайта түсіндіруді сұраймын.

--Үй тапсырмасын уақытында орындайсың ба ?

--Үй тапсырмасын мен уақытында орындаймын , менің күн тәртібім бар.

--Сабақта қандай бағаны жиі аласың ?

--Сабақта  төрт пен бес бағаны жиі аламын.

--Сабақтан себепсіз күндерің болды ма ?

--Сабақтан себепсіз күндерім болған жоқ.