LK2002

17.04.2022 08:25 •  Қазақ тiлi

Наурыз мейрамы — ежелгі заманнан қалыптасқан жыл бастау мейрамы. 22 наурыз — бүкіл Шығыс халықтарының мерекесі. Бұл — күн мен түннің
теңелетін, қардың еріп, көктің шыға бастайтын кезі. Наурыз күнін адамдар
жаңа жылдың басы — «Ұлыстың ұлы күні» деп атап, зор қуанышпен қарсы
алған. Наурыз күні халық тәуір киініп, бірін-бірі құттықтап, ақ дастарқанын
мол жаяды.
Наурыз – діни мейрам емес, жалпыхалықтық мереке. Наурыз – табиғат
мейрамы, аса зор салтанатпен тойланатын ұлы жиын, берекелі той. Адамдар
бұл күні «бәріміз де табиғат перзентіміз, оны аялайық, бергеніне риза
болайық» - дейді. Табиғат-ананың бұл мерекесі адамдардың өмірінде ерекше
орын алады.
Ерте кезде Орта Азия әкімдері: «Бұл күні Самарқанның көк тасы жiбиді»,
деп зыңданда жатқан тұтқындардың қол-аяғын босатып, кешірім берген.
Ренжіскен адамдар Наурызда бірін-бірінен кешірім сұрап, татуласады.
Бұл күні дастарқанға әртүрлі ұлттық тағамдар қояды. Солардың ең
бастысы наурызкөже. Бұл - құнарлы және тойымды тағам. Наурызкөже
азықтың жеті түрінен жасалады. Қазақстанның әр жерінде наурызкөженің
құрамына салынатын азық-түлік әр түрлі болғанымен, жетіден аспауы керек.
Наурызкөженің құрамына бидай, тары, күріш, ет, тұз, сүт, су қосылу керек.
Бұған қыстан шыққан қазы, шұжық, сүр ет сияқты сыйлы, сыбағалы мүшелер
де қосылады. Одан бүкіл ауыл адамдары дәм татады. Дастарқанға ауылдың
жасы үлкен ақсақалдары бата береді.
(188 сөз)
1. Мәтін не туралы? Бір сөйлеммен ғана жауап беріңіз.
[1]
2. Диаграммаға мәтіндегі мәліметтердің жалғасы болатындай, қосымша
ақпараттарды ұсыныңыз.
​