О 13. Түлғалардың құқық және бостандық туралы айтқан пікір-
лерi мен ыңғайлас салалас құрмалас сөйлемдерді қатыстыра
отырып, эссе жаз. Эсседе көркемдегіш құралдарды пайдалан.
Балам бол, басқа бол, бәріне – заң біреу (Ж. Баласағұн).
Тәртіпке бас иген құл болмайды, тәртіпсіз ел болмайды
(Б. Момышұлы).
Жақсы кітап – жан азығы. Кітапхана – ғасырдан ғасырға адамзат тарихын, өмір өткелдерінен туған өзгерістер мен жаңалықтарды ұрпақтан-ұрпаққа жеткізіп отыратын киелі орын. Сол себепті бір күнімізді кітапханаға арнап, кітапханашылық қызмет атқардық.
Рухани ордаға кіргеннен қазақ ақын-жазушыларының еңбектері, рухани жаңғыру мен Астана қаласының 20 жылдығына арналған бұрыш көзге түсті. Көрмеге қойылған әр еңбектің авторына, мазмұнына көз жүгірттім. Несін жасырайын, қолыма кітап алып, иісін сезбегелі де көп болыпты-ау. Алыстан аптығып келіп, анасының омырауына басын қойып мауқын басқан баладай жаным жайланып сала берді. Бір сәт орнаған үнсіздікті «Сәлеметсіз бе?» деген дауыс үзіп жіберді. Сөйтсем, менің манадан бері қалшиып тұрғанымды байқаған кітапхана қызметкері екен. Жөн сұрасып болған соң, ғимараттың барлық бөлімдерін таныстырып шықты. Әдебиеттерді жабдықтау бөлімі, оқу залы, анықтама бөлімі, әдістемелік-библиографиялық бөлімдері оқырмандарға қызмет көрсетеді. Сонымен, рухани ортадағы жұмыс күнім басталып кетті.
Анықтама бөліміне орналасып, күні бойы келім-кетім адамның керегін тауып беріп, әйтеуір қолдан келген қызметімді сапалы түрде көрсетуге тырыстым. Бір байқағаным, тұрақты оқырманнан бөлек, бір күнде 10-12 адам жаңадан тіркеледі екен. Бұл – қуантарлық жағдай болды мен үшін. Таң азанмен зейнеткерлер, орта буын өкілдері және мекеме қызметкерлері кітапханаға бас сұқса, түс ауа сабақтан босаған студенттер мен оқушылар ағылды. Келген оқырманның басым көпшілігі жергілікті ақын-жазушыларды, Елбасының еңбектерін көп сұрайды. Кітап қоры мол, оқырман сұранысын дер кезінде тауып беруге шамамыз жетті. Қолым қалт еткенде, мекеме басшысы Ұлмекен Меңдібаеваны әңгімеге тартып та үлгердім.
– Қазіргі таңда өңірімізде барлығы 18 кітапхана жұмыс жасайды. Оның біреуі аудандық, біреуі балалар кітапханасы, қалғандары ауылдық кітапханалар. Кітап қоры – 73333. Мемлекет басшысының «Болашаққа бағдар: рухани жаңғыру» бағдарламалық мақаласындағы басым бағыттардың бірі – «Цифрлы Қазақстан» жобасына сәйкес ақпараттық жүйелерді қалыптастыру, жетілдіру, азаматтардың тиісті мәліметтерге қолжетімділігін қамтамасыз ету мақсатында біршама жұмыстар атқарылды. РАБИС бағдарламасында әдебиеттер электронды каталогта сақталады. Бұл бағдарламамен 7 кітапхана жұмыс жасайды. Электрондық каталогқа жүйе бойынша 104068 дана кітап пен 6790 мақала енгізілді. Қазіргі заманғы кітапханалардағы ақпараттар пайдаланушылардың барлығына дерлік қолжетімді болуы керек. Осыны негізге алған ауданға қарасты 14 кітапхана интернет желісіне қосылған. Яғни, оқырман кез келген жерде отырып интернет желісінің көмегімен керек ақпаратқа қол жеткізе алады, – дейді Ұлмекен Әбілтайқызы.
Жаңа заманауи технологиялар адамның өмір сүру кеңістігіне түбегейлі әсер етті. Біз кейде интернет пен желілік коммуникациялардың келуімен өмірдің қалай өзгергенін байқамаймыз. Бұл бағытта мемлекеттік деңгейде «Цифрлық Қазақстан» сияқты бағдарламаны қабылдау – бұл біздің еліміз үшін үлкен қадам, ол бізге жаһандық трендтермен бірге аяққа тұруға, өмірдің барлық саласын «цифрландыруға» және болашақты жақсы жаққа өзгертуге мүмкіндік берді, деп хабарлайды.
«Цифрлық Қазақстан» мемлекеттік бағдарламасы елімізде 2018 жылдан бастап жұмыс істейді. Біздің еліміз қазірдің өзінде әлемнің бәсекеге қабілетті 50 елінің қатарына кіреді. Келесі мақсат – 30 елдің қатарына кіру. Одан әрі табысты дамудың ең басты аспектісі біздің өміріміздің барлық жақтарын цифрландыру болмақ. Бағдарлама дамудың жаңа деңгейіне шыға алатын бес маңызды бағытты қамтиды. 2018 және 2019 жылдардағы бағдарламаның жиынтық экономикалық тиімділігі 600 млрд теңгеден асты. Мемлекеттік қызмет көрсету, білім беру, денсаулық сақтау, қаржы, көлік және тау-кен металлургия секторлары саласында сандық технологияларды енгізуде елеулі табыстарға қол жетті. Бұл еліміздің өзекті әлемдік рейтингтердегі позициясын жақсартуға мүмкіндік берді.