ОҚЫЛЫМ Мәтінді оқып, төмендегі тапсырмаларды орындаңыз. Даңқты балуан, қазақтан шыққан тұңғыш Олимпиада чемпионы-Жақсылық Үшкемпіров 5 бірдей медалін жергілікті өлкетану мұражайына табыс етті.Әлем және Мәскеу Олимпиадасының чемпионы-Жақсылық Үшкемпіров 1968 жылы Семейдегі малдәрігерлік институтына оқуға түсіп,алғашқы жаттығуларын осында бастаған. 6 жыл осы қалада тұрып,отбасылы болды. Айта кетейік,бір ғасырдан артық тарихы бар бұл мұражайға кезінде хакім Абай да өз заттарын сыйға тартқан. «Осы жерден өсіп- өніп,үлкен шыңға шыққаныма, олимпиада деңгейінің алтын медалін алуға киелі жерден шығып,соншама атақты жерге жеткеніме мен мың да бір рақмет айтамын! Бүгінгі менің тапсырып отырған медальдарымның барлығы да осы жерге, кейінгі ұрпаққа үлгі болса,осындай біз сияқты әлемнің Олимпиада чемпионы шығып,қазақ елінің кім екенін дүниежүзіне танытса,одан артық бақыт жоқ!»,-дейді Олимпиада чемпионы Жақсылық Үшкемпіров. 1. Мәтінге тақырып қой.
2 Мәтіннен құрмалас сөйлемдерді тауып жаз.
3. Мәтіннен 3 етістікті теріп жаз
4. Мәтін бойынша сұрақтарға жауап беріңіз.
Бекзат Сейілханұлы Саттарханов (4 сәуір, 1980 жыл, Түркістан, Қазақстан - 31 желтоқсан, 2000 жыл, Шымкент, Қазақстан) – қазақстандық боксшы, халықаралық дәрежедегі спорт шебері, Қазақстанға еңбек сіңірген спорт шебері. 2000 жылы өткен Сидней Олимпиадасының жартылай жеңіл салмақ бойынша чемпионы (57 кг дейін). І дәрежелі «Барыс» орденінің бірінші иегері. Қоңырат тайпасының Божбан руынан шыққан.[2] 1980 жылы 4 сәуірде Түркістан қаласында дүниеге келген. 2000 жылдың 31 желтоқсаны күні, жаңа жылға санаулы минуттар қалғанда, Шымкент қаласы жанындағы Темірлан бекеті маңында автокөлік апатынан қаза болды. Бекзат Саттарханов Түркістан қаласындағы қарапайым отбасында дүниеге келген. Бекзат әкесі Сейілхан мен анасы Сырлыкүлдің кенже баласы. Саттархановтардың Бекзаттан өзге мектеп қабырғасындағы спорттық бәсекелерде оза шапқан үш ұлы болды. Бағдат, Болат, Мақсат есімді балалары да спортты серік еткенімен, Бекзат секілді ешқайсысы алдына биік мұрат қойған жоқ. Сәби күнінде өте нәзік, аурушаң, әлжуаз болған Бекзаттан атағы жер жүзіне жайылатын даңқты боксшы шығады деп ешкім ойламаса керек.
Қайық – ескекпен, желкенмен немесе қозғалтқыш күшімен қозғалысқа келтірілетін суда жүзуге арналған шағын қатынас құралы. Қайық а ерте заманнан белгілі. Голландиядағы Пессе (Дренте аймағы) деген елді мекеннен археологиялық жұмыстар барысында ұзындығы 3 м орта тас (мезолит) дәуіріне жататын моноксил қайық табылған. Неолит және қола дәуірлерінде үлкен теңіздер мен мұхит жағалауларын мекендеген халықтар күнделікті тұрмыста су жануарларының терілерімен қапталған ағаш немесе сүйек қаңқалы қайықтарды пайдаланған. Қазіргі кезде қайық көбіне спорттық және кәсіптік мақсаттарға пайдаланылады. Әскери кемелердің кейбір түрлерінің атауында қайық сөзі кездеседі. Мысалы, сүңгуір қайық, канонерлік қайық, ұшатын қайық – гидроұшақ