tda512

07.05.2020 07:37 •  Қазақ тiлi

С.Торайғыров «Шәкірт ойы» өлеңі Өлеңге қатысты талдауды белгіле.

Шындықты іздеу жолында қажырлы, қайратты адам ғана қажу мен ашуға бой алдырмайды. Қажыған адамда не ізденіс, не талпыныс болмайды. Ал ашуға келетін болсақ, «Ашу-дұшпан, ақыл-дос...». Ашуға ерік берме, одан да ақылыңа ақыл қос. Осы жолда соқтығарсың, шатасарсың, бірақ өзің көздеген белден асасың.

Надандық пен қараңғылықтың уысында отырған халқына жұлдыз немесе ай емес, бүкіл әлемді нұрға бөлейтін, қараңғылықты сейілтетін күн болам дейді. Ақын қазақтың көгіне өрмелеп шығып, оқу-білімнің нұрын шашуды көздейді. Өзінің бар білгені мен түйгенінің қызуымен қазақ халқының жүрегіндегі «надандық теңізін» тартылтпақшы. Тартылған «теңіздің» орны ортайып қалмайды, оның орнын білім толтырады, «қызығын жайлап ел көреді» дейді.

«Жарық таң» дегені ізденімпаз жастың алдына қойған өмірлік маңызы бар мақсаттарының толықтай орындалып, ел игілігі үшін еңбек етуге жараған сәті. Кеудесіндегі жұдырықтай жүрегінің әмірімен алдына «толған мақсат, таңдау» қойған Сұлтанмахмұт үшін өмір биігі халқына қызмет ету болды. Адам өмірі қызмет, дәулетпен емес, артына қалдырған ісімен өлшенбек.
​