Үш бала орманға барды. Орманда жеміс-жидектер, құстар көп. Олар қыдырып жүріп, күннің қалай өткенін байқамай қалды. Енді үйлеріне қайтып келе жатыр. Ата-анасына не деп айтарын білмей, қорқып келеді.
– Үйдегілерге не дейміз? – деді балалардың бірі.
Олар жол бойына тұра қалып, ақылдаса бастады. Өтірік айту мен шындықты айтудың қайсысы оңайырақ?
– Мен орманда қасқырдан тығылып отырдым деп айтамын. Сонда әкем маған ұрыспайды, – деді бірінші бала.
– Мен жолда атамды кездестірдім деймін. Сонда анам ашуланбайды, –деді екіншісі.
– Ал мен шынымды айтамын, – деді үшінші бала. –Шындықты айту оңайырақ, себебі ештеңе ойлап табудың керегі жоқ
Балалар қандай сұраққа жауап іздеді?
Оған не әсер етті?
Мәтінге ат қой.
Мәтіндегі негізгі ойды білдіріп тұрған сөйлемді тауып, қоршап сыз.
1) Үйдегілерге не айтамыз?
2) Екі бала ата-ансына өтірік айтамыз деді, ал үшінші бала шындықты айтамын дейді. Балалар қандай жағдай болса да үшінші бала секілді шындықты айтуы керек.
3) Өтірік пен шындықты айтудың қайсысы оңайырақ?