seanius

23.10.2022 21:18 •  Қазақ тiлi

Шетелде білім алу: академиялық ұтқырлық

Академиялық ұтқырлық - студенттерді немесе оқытушыларды белгілі бір уақытқа ел ішінде немесе шетелдерде оқыту немесе зерттеулер өткізу үшін уақытша орнын ауыстыру дегенді білдіреді. Бұл жоғары оқу орындары арасындағы тәжірибе алмасудың тиімді әдісі. Cтудент 10 күн мен бір оқу жылының аралығында бара алады. Бүгінде кез келген адам шетелде қысқа немесе ұзақ мерзімді білім алып, жұмыс істей алады. Ол үшін шет тілі білімі мен ниет болса жеткілікті. Әрине, тілді жақсырақ меңгерген адамның шетелде қалаған ісімен айналыса алуына мүмкіндігі жоғары екені сөзсіз. Бағдарлама тек Қазақстандық студенттерге ғана емес, сонымен қатар басқа да ТМД елдерінің студенттеріне шетелде білім алуға мүмкіндік береді. Сондай-ақ, бүкіл Европа елін саяхаттауға болады. Халықаралық білім кеңістігіне кірігудегі басты мақсат - әлемдік стандарттарға сәйкес қазақстандық жоғары білімнің сапасын арттыру, оның бәсекеге қабілеттілігін көтеру.
Соңғы деректер бойынша шетелде білім алатын қазақ студенттерінің саны 30 мыңнан асқан. 2016 жылдың басында Білім және ғылым министрлігі осындай мәлімет таратты. Оның ішінде 15 мың студент Ресейде, 10 мыңға жуығы Қытайда, қалған 5 мыңы Еуропа мен АҚШ-та білім алуда.
Халықаралық бағдарлама шетелдік жоғары оқу орнында білім алумен қатар, басқа елдің өмірі мен мәдениетін терең зерделеуге көмектеседі.

1-тапсырма. Мәтіннен байланысқан сөз тіркестерін тауып 1-3 сөйлем құрыңыз.