Төмендегі құрмалас сөйлемдерді белгілеріне қарап анықта. 3. Төмендегі құрмалас сөйлемдерді белгілеріне қарап анықта.Қазақстан Азия және Еуропа құрлығының нағыз бел ортасында орналасқан және табиғи ресурстары мен экономикалық қуаты басым еуразиялық мемлекет. Қазақстанның оңтүстік-батыс және оңтүстік аудандары кең-байтақ Тұран жазығымен шектесіп, солтүстік-шығысын үлкен Алтай таулар жүйесі алып жатыр. Екінші дүниежүзілік соғыс кезінде және де тың игеру жылдары Қазақстанға көптеген ұлт өкілдері қоныс аударылды, сөйтіп Қазақстан көпэтносты мемлекетке айналды.
Менің анам – жер бетіндегі ең аяулы жан. Мен оны шексіз жақсы көремін. Оны белгілі бірнәрсе үшін жақсы көремін деп айта алмаймын. Оған бар болғаны менің өмірімде бар болғаны үшін алғыс айтамын. Мен оны мақтан тұтамын. Одан асқан маған жақын жан жоқ. Оның есімі Гүли Әбдіраманова. Ол өте сұлу. Оның сылдырлаған күлкісі мен қоңыр көздерін жақсы көремін. Аялы алақанындағы жылуын сөзбен айтып жеткізе алмаймын. Менің анам өте мейірімді. Ол барлық адаммен тіл табыса алады. Қиын-қыстау кезеңде алақанымен аялап, қолдау көрсете біледі. Анам бауырымыз екеуімізді шыр етіп осы дүниеге келген сәттен бағып-қағып келеді. Анама маған осы күнге дейін жасағандарының барлығы үшін алғыс айтамын. Өзім де оған көмек қолын созып отыруға тырысамын. Әдетте үй ішін жинап, ауыр сөмкелерді көтерісуге көмектесемін.
Анам тамақты өте дәмді әзірлейді. Ол мені өміріме қажетті біліммен қаруландырып жатыр десем қателеспеймін. Мұнымен қатар, мен онымен бірге серуендегенді ұнатамын. Біз қонаққа, киноға, көрмелерге бірге барамыз. Таза ауада бірге тыныстаймыз. Анамның еш уақытта көз жасының төгілмегенін қалаймын. Оның көздері үнемі күн секілді жарқырап, жадырап жүргенін қалаймын. Мен ол кісіге бақыт пен денсаулық тілеймін. Барлық арман-мақсаты орындалсын. Бізге ғана емес, аналарға да жылы алақан мен қамқорлық қажет екенін ұмытпайықшы. Қымбатты анам, мен сізді қатты жақсы көремін. Сабақтан жақсы баға алып сізді күн сайын қуантуға тырысатын боламын.
Анашым, менің өмірімде бар болғаныңыз үшін рахмет! Анашымның төзімділігі мен кешірімділігіне қарап қайран қаламын. Мен ол кісіні осы күнге дейін сан рет ренжіткен болатынмын. Бірақ, қиналған сәтте алдына жылап баруды тоқтатқан емеспін. Кішкене болғанымда ол кісі неге сонша қатал екен деп ойлайтын едім. Өсе келе мұның қаталдық емес, маған жақсылық тілегені екенін түсіндім. “Кейін өзің ана болғанда түсінесің” деп айтатын еді. Ол кісінің нені меңзегенін бірте-бірте сезіне бастағандаймын. Жаратушы ием, менің анам мен әкеме ұзақ әрі бақытты ғұмыр беруіңізді сұраймын! Баласын өзі жетектеп жүрген жалғызбасты аналар бар. Мұндай тағдырдан сақтандырған әкеме де алғыс айтқым келеді!
Апиын” соғыстары – Батыс Еуропа елдерінің Қытайға қарсы жүргізген соғыстары. Бірінші “апиын” соғысы 1840 – 42 жылдары болды. Соғысты Англия бастап, Қытайды тәуелді елге айналдыру мақсатын көздеді. 1840 жылы маусым айында басталған соғыстың сылтауы ағылшын отаршыларының контрабандалық жолмен сауда жүргізіп тұрған апиындарын 1839 жылы Қытайдың үкімет комиссары Линь Цзэ-сюйдің жоюы болды. Ағылшын және Қытай әскери кемелерінің арасындағы қарулы қақтығыстар 1839 жылдың соңында-ақ басталып кеткен еді. 1842 жылы ағылшындар Сянган (Гонконг) аралын, Динхай, Нинбо, Сямынь, Шанхай, Чжэньцзян қалаларын басып алды және 1842 жылы тамызда Нанкинге таяп келді. Қытай халқы басқыншыларға қатты қарсылық көрсетті (Гуандуньдегі шаруалар қозғалысы). Алайда Цинь үкіметі елді қорғауды ұйымдастыруда қабілетсіздік танытып, халықтың қолдауын пайдалана алмады. 1842 жылы 29 тамызда Нанкин бітіміне қол қойылды. Екінші “апиын” соғысына (1856 – 60 жылдары) Англиямен бірге Франция да қатысты. Қытайдағы азамат соғысын (Тайпиндер көтерілісі) пайдаланып, Англия 1856 жылы Гуанчжоу ауданында әскери қимылдарын бастады. 1857 жылдың басында оған Франция қосылды. 1858 жылы әскери қимылдар астаналық Ужили провинциясының аумағына ауысты. 1858 жылы мамырда ағылшын-француз армиясы Дагу портын басып алып, Тянь-цзинь мен Пекинге қауіп төндірді. Қытай үкіметі Англия және Франциямен кіріптарлық шарт жасасуға мәжбүр болды. Бір жылдан кейін Қытайдан жаңа жеңілдіктер алу мақсатымен Англия мен Франция соғыс қимылдарын қайта бастады. 1860 жылы тамызда ағылшын-француз әскерлері Тяньцзиньді, қазанда Пекинді басып алды. Қытай үкіметіне жаңа кіріптарлық шарттар таңылды “Апиын” соғыстары Қытайдың жартылай отарға айналуындағы маңызды кезең болды.