Із кесу Түнгі екіден асқанда жедел жәрдем мен қалалық ішкі істер
бөліміне қатар қоңырау шалынды. Бір-бірінен хабар алысымен
үлкен үйлеріне жиналған ағайынды Хамраевтардың бірі ебі
дебіл болған кейуананы жұбатса, енді бірі ауруханаға жөнелтілген
Расулдың жанында жүгіріп жүрген. Алайда күретамырына зақым
келгендіктен, аяғы шыққалы арбаға таңылған жас бала он алты
жасында ашкөздердің құрбаны болып кете барды. Осы іс бойынша
Медеу аудандық ішкі істер бөлімінде арнайы топ құрылып, ұрлык
жасаған қылмыскерлер іздестіріле бастады. Кейуананың айтуы
бойынша екі жігіттің бейнесі жасалып, ол адам көп жүретін
жерлерге ілінді. Үйде қалдырылған саусақ іздері тексерілді.
Жедел топтың жан-жақты ұйымдастырған шаралары нәтижесіз
болған жоқ, қылмыскерлер қолға түсті. Тергеуші Құралбек Оспанов
бағалы әшекей заттар ұрлағандардың алтын сатушыларды айналып
өтпейтінін білетін. Айтқанындай, араға төртінші күн салып, көк
базардың алдында алтын сатып жүрген әйелдерге екі жігіт өз
тауарларын ұсынады. Бірақ тек гауһар таспен безендірілген әшекейді
елу мыңға бере салғалы тұрған жігіттер бірден күдік тудырған.
«Ақшам жетпей тұр, қазір достарымнан сұрап келейін. Жарты
сағаттан кейін келе аласың ба?» деген келіншек жігіттердің
көңіліне күдік тудырмауға тырысты. Ал елу мың үшін саудагерге
қайта соққан ұры жігіттер қақпанға өздері келіп түскенін кеш
түсінді.​

Биылғы жылғы қызық оқиғалар

Биыл жазғы демалыс басталысымен мен ауылға кеткен болатынмын. Ондағы достарыммен талай қызықты бастан кештік. Солардың біреуін айта кетейін.

Күндердің бірінде біздің үйдің қой кезегі келіп, мені атам мен әжем қой бағуға жібереді. Мен жаныма досымды ертіп, біріміз атқа мініп, біріміз есекке мініп, бір отар қойды айдап кеттік. Жарты күн өтіп, түскі тамақты ішіп алған соң, досымның ұйқысы келіп, маған «кезектесіп ұйықтайық» деп, өзі жатып қалды. Мен біраз табиғатты тамашалап, қойларды бақылап отырғанымда қалай ұйықтап кеткенімді де білмеймін. Бір кезде оянсам, отар қойымыздың біреуі де жоқ. Досымды оятып, екеуміз не істерімізді білмей, әбден састық. Амал жоқ, ауылға қайта келуге тура келді. Не деп айтарымызды да білмейміз. Бір ауылдың қойы із түзсіз жоқ. «Енді қайттік?» деп еңсеміз түсіп келе жатқанда көрші үйдің қорасының алдында тұрған қойды көрдік. Не қуанарымызды, не жыларымызды білмей, қораға жақындап келсек, әлгі үйдің қойлары түгел орнында. Досым екеуміз аң - таңбыз. Бұл сонда қалай болғаны? Қойлардың өздері қайтып кетуі мүмкін емес. Сөйтсек, ауылда қалған достарымыз келісіп, осылай әзілдеспек болған екен! Мұны естігенде, әрине, алдымен достарымызға біраз ренжідік. Бірақ уақыт өте келе, бұл әзіл есте қаларлықтай оқиға болды.  

Наурыз - барша мұсылман әлемі тойлайтын ұлы мереке, Ұлыстың ұлы күні, жыл басы. Бұл күні күн мен түн теңеледі, Самаркандтың көк тасы жібиді. Осы күннен бастап күн жылына бастайды және күн ұзарып, ал түн болса, керісінше қысқара бастайды.

Ертеректе бұл мерекені бүкіл ауыл болып дайындалып, үлкен той қылып тойлайтын болған. Қазірдің өзінде Наурыз мейрамының орны ерекше. Бұл күні қаланың бас көшелеріне қазақ халқының дәстүрлі киіз үйлері тігіледі. Алаңда барша халық жиналып, Наурыз жайлы қойылымды тамашалайды.

Ұлттық тағам ет асылып, бауырсақ пен шелпек пісіріледі. Бірақ бұл күні ең басты тағам Наурыз көже болып саналады. Ол - жеті түрлі тағамнан дайындалатын көже. Киіз үйге келуші әрбір қонақ әдетте Наурыз көжеден ауыз тиеді.

Мерекелік дастарқанға түрлі ұлттық тағамдар қоюға болады. Мысалы, сүт тағамдарынан қымыз, қымыран, байқаймақ, шыртылдақ, кілегей, қаймақ, құрт, сүзбе, уыз, ірімшік, іркіт т.б. сияқты тағамдар дастарқанға қойылады.

Сонымен қатар ұннан әзірленетін ұлттық тағамдар шелпек пен бауырсақ пісіріп, таба нан, салма, қаттама әзірлеуге болады.

Ал дәнді дақылдардан талқан, жент, тары, бидай көже, майсөк, бөкпе болса, дастарқанға қоюға болады.