Жоғарыдағы эссе талаптарына сай, Мысыр пирамидаларының осы кезге дейін сақталуының жұмбақ сыры
туралы ғалымдардың пікірлеріне келісу-келіспеу эссесін (сөз саны

Аспан әлемі -жұмбақ әлем . Ғарышқа адамдар ұшып барып келіп жатырған ғасырда не қылған жұмбақ дерсіз ? Алайда күндіз көгілдір , түнде түпсіз тұңғиық аспанға қарап жатып , аржағында не бар екен деген ойға қалмау мүмкін емес ! Мен де солай ойлаймын . Әрине , ғылымның дамыған заманында , көзі ашық , көкірегі ояу адамның аспанда не бар екен деп ойлануы күлкілі де шығар ? Ондағы жұлдыздар , аспан денелері , құйрықты жұлдыздар , осы күнге дейін ашылмаған жұлдыздар -бәрі тылсым дүниенің жұмбағы емес пе ? Мысалы " Жетіқарақшы " , " Үркер " , " Таразы " тағы да басқа деген шоқжұлдыздар атауы қалай пайда болды ? Бұл да мен үшін қызық . Қазақ халқы жұлдыздарға , аспанға қарап , ауа райын болжайды . Мысалы , жаңа ай шалқасынан жатып туса , күн суық болады , жұлдыз көп болса , күн ашық болады . " Халық айтса - қалып айтпайды " дегендей , өмірдегі тәжірибесімен - ақ дана халқымыз аспанға ұшпай - ақ , аспан әлемінің сырын білген сияқты . Дегенмен , біз білмейтін жұмбақ көп.

Биылғы жылғы қызық оқиғалар

Биыл жазғы демалыс басталысымен мен ауылға кеткен болатынмын. Ондағы достарыммен талай қызықты бастан кештік. Солардың біреуін айта кетейін.

Күндердің бірінде біздің үйдің қой кезегі келіп, мені атам мен әжем қой бағуға жібереді. Мен жаныма досымды ертіп, біріміз атқа мініп, біріміз есекке мініп, бір отар қойды айдап кеттік. Жарты күн өтіп, түскі тамақты ішіп алған соң, досымның ұйқысы келіп, маған «кезектесіп ұйықтайық» деп, өзі жатып қалды. Мен біраз табиғатты тамашалап, қойларды бақылап отырғанымда қалай ұйықтап кеткенімді де білмеймін. Бір кезде оянсам, отар қойымыздың біреуі де жоқ. Досымды оятып, екеуміз не істерімізді білмей, әбден састық. Амал жоқ, ауылға қайта келуге тура келді. Не деп айтарымызды да білмейміз. Бір ауылдың қойы із түзсіз жоқ. «Енді қайттік?» деп еңсеміз түсіп келе жатқанда көрші үйдің қорасының алдында тұрған қойды көрдік. Не қуанарымызды, не жыларымызды білмей, қораға жақындап келсек, әлгі үйдің қойлары түгел орнында. Досым екеуміз аң - таңбыз. Бұл сонда қалай болғаны? Қойлардың өздері қайтып кетуі мүмкін емес. Сөйтсек, ауылда қалған достарымыз келісіп, осылай әзілдеспек болған екен! Мұны естігенде, әрине, алдымен достарымызға біраз ренжідік. Бірақ уақыт өте келе, бұл әзіл есте қаларлықтай оқиға болды.