heeezing

25.05.2020 21:35 •  Қазақ тiлi

«Қазақ тілі » пәнінен 3-тоқсан бойынша жиынтық бағалау тапсырмалары 1-тапсырма. Оқылым
Мәтінді оқып, төменде берілген сұрақтарға жауап беріңіз.
 
Су
Сусыз өмір сүру мүмкін емес. Жер бетінің төрттен үш бөлігін су алып жатыр. Ол – мөлдір, түссіз. Судың үш күйі болады: сұйық-су, қатты-мұз, газ-бу. Нөл градустан төмендегенде су мұз болып қатады, ал қайнағанда ол буға айналады. Аналарың кір жуғанда далаға жайып қояды. Ол кеуіп кетеді. Неліктен? Себебі күн суды буландырады. Күн қатты ыстық, ал жапырақтар, өсімдіктер неге қурап кетпейді? Себебі, ол тамырмен су сорып, оны буландырып жібереді. Жер бетінде су тұщы және ащы су болып бөлінеді. Ащы су бұл теңіз,
мұхит сулары, ал тұщы су өзен, көл, жер асты сулары. Жердегі әрбір 100 л судың 98 л тұзды су, 2 л тұщы су екен. Көл суларының кейбірі ащы, кейбірі тұщы суға жатады.
Құрлық бетінде әртүрлі ойыстар кездеседі. Ондай ойысқа су толса, көл пайда болады. Көлемі әртүрлі. Шағын көлдердің ені мен ұзындығы бірнеше ондаған метрден аспайды. Ал ірі көлдердің бір шетінен екінші шетіне көз жетпейді. Балық ауланады, ауыз су алынады, мал суарылады.
Каспий - дүниежүзіндегі ең ірі көл. Солтүстігінен оңтүстігіне дейін мың километрден қашықтыққа созылып жатыр. Тереңдігі - 800 м. Балық көп.
Құбырдан алынған су 100% таза бола бермейді. Ол өзеннен хлор қосылып, тазартылып келеді. Адам күніне 2 литрге жуық су ішеді екен. Ол - су, шай, шырын, сусын, минералды су. Адам тек қайнатылған су ғана ішу керек. Себебі, қайнамаған судан кейде гепатит ауруына да шалдығып жатады. Оның құрамында микробтар болуы мүмкін.
 
1.    Мәтін не туралы? [1]
 
2.    Мәтіннің түрі қандай?
А) әңгімелеу     В) сипаттау      С) пайымдау                                                               [1]
3.  Адамның денсаулығына қатысты айтылған абзацты белгілеңіз.
 A) 1     B) 2       C) 3        D) 4                                                                                        [1]
4.  4. Мәтін мазмұнына қатысты мақал-мәтелді табыңыз.
А) Адам қайғысы - заман қайғысы.   В) Су - тіршілік көзі.
С) Күн күркіресе, көк дүркірер.  D) Жаңбыр жауса - жер ырысы                              [1]
 
5. Судың да сұрауы бар деген мақалды қалай түсінесің?
[1]
      6. Мәтінде толықтауыш қызметін атқарып тұрған есімдікті табыңыз
А) ол    В)оның    С)ондай    Д) оны                                                                                     [1]      ​